Устаноўчы з’езд Беларускай партыі працоўных запланаваны на 26 ліпеня

На 26 ліпеня прызначаны ўстаноўчы з’езд Беларускай партыі працоўных. Такое рашэнне прыняў аргкамітэт па стварэнні партыі, паведаміў Еўрарадыё Аляксандр Бухвостаў. Бухвостаў: “Канчаткова ўстаноўлена дата правядзення з’езду — 26 ліпеня. Задача, як і любога ўстаноўчага з’езду, прыняццё рашэнне пра стварэнне Беларускай партыі працы, а таксама прыняццё статута, праграмы”.

Нагадаем, Беларуская партыя працы была створаная ў 1993 годзе. У жніўні 2004-га па рашэнні Вярхоўнага суда яе ліквідавалі. Цягам гэтага года аргкамітэт планаваў некалькі разоў правесці ўстаноўчы з’езд, але з-за адсутнасці сродкаў не здолеў гэтага зрабіць.