Грошы на пахаванне Святланы Курс сабралі за палову сутак

Грашовы збор на пахаванне Святланы Курс беларусы закрылі за палову сутак.

Пісьменніцу плануюць пахаваць на радзіме, у Беларусі. Каб зрабіць гэта магчымым, сям’я была вымушаная ўзяць крэдыт. Менавіта на пагашэнне крэдыту і быў адкрыты збор.

Абвясцілі яго ўвечары 22 ліпеня. Планавалася сабраць 6000 еўра. У гэтую суму ўваходзіць арганізацыя публічнай цырымоніі развітання ў Варшаве, перавозка цела ў Беларусь, афармленне неабходных дакументаў і арганізацыя пахавання ў Беларусі.

На раніцу 23 ліпеня сума была сабраная з коптурам.

Дата і месца развітання будуць агучаныя асобна.

Святлана Курс памерла ў Варшаве 19 ліпеня 2026 года. Пісьменніцы было 54 гады. Найбольшую славу ёй прынесла аповесць "Па што ідзеш, воўча?" (2020), якую сама аўтарка называла "балотнай казкай". Кніга была перакладзеная на шэраг еўрапейскіх моваў.