Вышкі мабільнай сувязі ў Беларусі будуць ставіць уздоўж дарог

Вышкі мабільнай сувязі ў Беларусі плануецца ставіць каля дарог — там, дзе сёння стаяць ліхтарныя слупы. Гэта робіцца для таго, каб людзі ў дарозе не заставаліся без мабільнай сувязі, заявіў дзяржтэлеканалу "Першы інфармацыйны" міністр сувязі і інфарматызацыі Кірыл Залескі.

Ва ўрадзе ўжо вызначылі мінімальныя парогавыя значэнні па якасці сувязі для розных катэгорый аб'ектаў, уключаючы аўтамагістралі і чыгункі. Пры гэтым міністр спаслаўся на вялікую колькасць тэхнічных нюансаў: на якасць сувязі ўплывае ў тым ліку і хуткасць перамяшчэння.

Тыпавое праектнае рашэнне для будаўніцтва сотавых вышак каля дарог ужо ўзгаднілі. Іх будуць ставіць за некалькі дзясяткаў метраў ад дарогі. Будаўніцтва ж вышак у чыстым полі назвалі складанай працэдурай: для гэтага патрабуецца вывесці зямлю з сельгаспрызначэння, падвесці да месца інжынерныя камунікацыі, сігнальны кабель.