Вызначыліся паўфіналісты чэмпіянату свету па футболе 2026

У ноч на нядзелю 12 ліпеня (па беларускім часе) прайшлі дзве апошнія гульні з этапу ¼ чэмпіянату свету па футболе.

У Маямі сустрэліся сборныя Нарвегіі і Англіі. Перад стартам матча прайшла хвіліна маўчання ў памяць памерлага наперададні гульца сборнай ПАР Джэйдэна Адамса

На 37-ай хвіліне лік у гульне адкрыў нарвежац Андрэас Ск'ельдэруп. Неўзабаве, у дадатковы час першага тайма англічанін Джуд Белінгем выраўняў шансы. Перад завяршэннем капітал англічан Гары Кейн забіў яшчэ адзін гол, аднак з афсайду.

У другім тайме Тарб’ёрн Хегем зноў вывеў Нарвегію наперад, але гол быў адменены праз парушэнне правілаў атакі Эрленгам Халандам. На 93-яй хвіліне Джуд Белінгем залічыў дубль. Такім чынам, сборная Англіі перамагла з лікам 2:1.

Праз некаторы час у Канзас-сіці сустрэліся Аргентына і Швайцарыя. На 10-ай хвіліне лік адкрыў аргентынец Алексіс Мак Алістэр. Другі тайм швайцарцы пачалі з моцнай атакі, і голам Дана Ндойя на 67-ай хвіліне. Літаральна праз пяць хвілінаў суддзя выдаліў з поля форварда Швайцарыі Брыла Эмбало за сімуляцыю. 

Тым не менш, Швайцарыя не давала аргентынцам забіваць галы ажно да овертайма. Вырашальнай стала другая палова дададзенага часу: на 112-ай забіў Хуліян Альварэс, а на 120+1 вызначыўся Лаўтара Марцінес. 

Аргентына стала пераможцам і наступны раз выйдзе на матч з Англіяй у паўшінале ў сераду 15 ліпеня. Дзень раней, 14 ліпеня, сустрэнуцца першыя паўфіналісты Францыя і Іспанія. 

Фінал чэмпіянату адбудзецца ў нядзелю 19 ліпеня.