Сын галоўнага рабіна Беларусі прыняў вайсковую прысягу
Рыгор і Аляксандр Абрамовічы / Threads
Сын галоўнага рабіна рэлігійнага аб'яднання абшчын прагрэсіўнага іудаізму ў Беларусі Рыгора Абрамовіча прыняў вайсковую прысягу. Пра гэта ён напісаў у сваім Threads.
— Мы ганарымся табой, Аляксандр. Дзякуй Усявышняму і ВДМУ, тваім педагогам і сябрам, нашай абшчыне. Усё атрымаецца. І мірнага неба ўсім нам, — напісаў Абрамовіч.
Аляксандр Абрамовіч — студэнт лячэбнага факультэта Віцебскага дзяржаўнага медыцынскага ўніверсітэта. Таксама ён быў адным з галоўных арганізатараў конкурсу "Містэр ВДМУ".
