200 населеных пунктаў на Міншчыне засталіся без электрычнасці праз непагадзь
Наступствы стыхіі на Міншчыне / Мінскэнерга
Шквалісты вецер і праліўны дождж пакінулі 27 траўня без электрычнасці больш за 200 населеных пунктаў мінскай вобласці. Пра гэта паведамляе "Мінскэнерга" ў сацсетках.
Прычынай большасці адключэнняў стала падзенне дрэваў на лініі электраперадачы.
Цэнтральная дыспетчарская служба РУП "Мінскэнерга" заяўляе, што па стане на 15:35 адбылося 20 адключэнняў высакавольтных ліній, у тым ліку 3 лініі напругай 35 кВ і 2 лініі 110кВ. Найбольшая колькасць парушэнняў адзначаецца ў Лагойскім, Барысаўскім і Вілейскім раёнах.
На чацвер у Беларусі таксама абвешчаны аранжавы ўзровень у сувязі з дажджамі і парывістым ветрам.
Наступствы стыхіі на Міншчыне / Мінскэнерга
