На мяжы з Беларуссю бушуе лясны пажар
Лясны пажар / Мінлясгас
У Гомельскай вобласці захоўваецца складаная пажаранебяспечная абстаноўка. Найбольшыя фактары рызыкі Мінлясгас адзначае ў Мілошавіцкім лясгасе: там перыядычна сутыкаюцца з пагрозай трансгранічных пажараў з боку Украіны.
Паводле інфармацыі ведамства, цяпер на тэрыторыі Украіны недалёка ад беларускай мяжы бушуе лясны пажар. Каб не дапусціць яго пераход на тэрыторыю нашай краіны, было вырашана арганізаваць начное дзяжурства людзей і тэхнікі. Мінулую ноч каля мяжы дзяжурылі больш за 80 работнікаў лясной гаспадаркі і каля трох дзясяткаў машын. Некалькі чалавек і адну пажарную машыну накіравала таксама Міністэрства па надзвычайных сітуацыях.
