АДС можа заклікаць сваіх кандыдатаў зняцца з выбараў

Калі прадстаўнікі апазіцыі не будуць уключаныя ў склад ўчастковых выбарчых камісій, то кіраўніцтва партый, якія ўваходзяць у Аб’яднаныя дэмакратычныя сілы, будзе заклікаць сваіх кандыдатаў зняцца з выбараў. Пра гэта Еўрарадыё заявіў старшыня Аб’яднанай грамадзянскай партыі, сустаршыня Аб’яднаных дэмакратычных сіл Анатоль Лябедзька. Анатоль Лябедзька: “Калі там не будзе прадстаўнікоў дэмакратычных сіл, то і па акругах, дзе зарэгістраваны прадстаўнікі розных дэмакратычных арганізацый, і там, дзе яны супрацьстаяць толькі прадстаўнікам улады, мы, можа, будзем рэкамендаваць, каб яны ўвогуле зняліся з гэтай выбарчай кампаніі”.

Нагадаем, што фармавацца ўчастковыя выбарчыя камісіі, паводле каляндарнага плану Цэнтрвыбаркама, будуць з 7 па 10 сакавіка.