Афіцыйна зарэгістраваны фан-клуб ХК "Дынама-Мінск"

Цяпер у фан-клубе каля 240 чалавек. У яго можа ўступіць кожны, каму ўжо споўнілася 16 гадоў. Пра гэта Еўрарадыё распавёў кіраўнік фан-клуба Андрэй Маркавіч. Маркавіч: "Абмежаванні ёсць толькі па ўзросце. Да 16 гадоў нельга паводле заканадаўства. Калі чалавек аматар "Дынама" і хоча стаць часткай фан-клуба, выступаць на перформансах на матчы, жорсткага адбору ў нас няма".

Каб уступіць у фан-клуб, трэба напісаць заяву і азнаёміцца са статутам. А таксама заплаціць 105 тысяч рублёў (3 базавыя велічыні). Сродкі пойдуць на выезды, расцяжкі ды іншыя патрэбы заўзятараў ХК "Дынама-Мінск".

Між іншым, з фан-клуба могуць выгнаць за парушэнне правілаў статуту. У ім прапісаны правілы паводзінаў на матчах, якія мусіць выконваць кожны ўдзельнік фан-клуба, адзначыў Маркавіч.