Аматарам чырвонай рыбы: у Беларусі будуць вырошчваць больш фарэлі
Фарэль / unsplash
Вытворчасць каштоўных відаў рыбы плануюць павялічыць у Беларусі, паведамілі ў "Белводгасе".
У краіне хочуць пабудаваць 10 індустрыяльных комплексаў па вытворчасці таварнай фарэлі магутнасцю па 1 тыс. тон кожны. А доследная рыбная гаспадарка "Сялец" плануе ўзвесці другі комплекс для вырошчвання асятровых магутнасцю 100 тон.
Ад вытворцаў чакаюць, што ўсе этапы вырошчвання рыбы будуць ажыццяўляцца ў Беларусі.
У найбліжэйшыя гады вытворчасць каштоўных відаў рыбы павялічыцца на 10 тыс. тон. Зараз у рэспубліку завозяць больш за 100 тыс. тон рыбы.
