Банкі Беларусі ўводзяць камісію за прыём расійскіх рублёў
За расійскія рублі ў беларускіх банках давядзецца даплаціць / pixabay.com
Беларускія банкі ўводзяць камісію за прыём расійскіх рублёў — ад 3% да 5% ад сумы. Яна закране фізічных асобаў-нерэзідэнтаў.
"Беларусбанк" паведаміў, што плата складзе 5% ад сумы папаўнення. Для рахункаў, якія будуць адкрытыя з 24 чэрвеня, камісія пачне дзейнічаць адразу. Для ўжо наяўных рахункаў — з 1 жніўня 2026 года.
Раней пра аналагічную камісію папярэдзілі "Альфа Банк", "МТБанк", "БНБ-Банк" — у іх яна таксама складзе 5%. А, напрыклад, "Цэптэрбанк" уводзіць за прыём расійскіх рублёў плату ў 3%.
