Бензін і дызпаліва падаражэюць у Беларусі з 24 чэрвеня
Запраўка, ілюстрацыйнае фота / sb.by
У сераду, 24 чэрвеня, у Беларусі вырастуць максімальныя рознічныя цэны на маторнае паліва. Дзяржаўны канцэрн "Белнафтахім" вырашыў падняць іх на 1 капейку.
Такім чынам, з заўтрашняга дня за літр паліва на беларускіх АЗС давядзецца заплаціць:
АІ-92 — 2,58 руб.;
АІ-95 — 2,68 руб.;
АІ-98 — 2,90 руб.;
дызельнае паліва — 2,68 руб.
Перад гэтым цэны на паліва "Белнафтахім" падымаў сёлета ўвесну. 28 сакавіка яны выраслі на 4 капейкі за літр, а 4 красавіка — на 3.
