"Белавія" затрымлівае рэйсы праз атаку дронаў на Маскву

Кампанія "Белавія" паведаміла пра затрымкі рэйсы у Расію праз атаку дронаў на Маскву. Са спазненнем самалёты адпраўляюцца не толькі ў маскоўскія аэрапорты Шарамеццева і Унукава, але і ў гарады, куды "Белавія" лятае праз тэрыторыю РФ.

Пасажыраў перад выездам у аэрапорт просяць правяраць статус рэйса на сайце кампаніі — на "Табло вылету/прылёту" і ў раздзеле "Статус браніравання".

Нацыянальны аэрапорт Мінск паведамляе, што 18 чэрвеня са спазненнем адправіліся больш за 10 рэйсаў, прычым у некаторых рэйсаў затрымка складала да чатырох гадзін. "Аэрафлот" адмяніў два рэйсы з Мінска ў Шарамеццева, вечаровы рэйс расійскай авіякампаніі "Перамога" ў Санкт-Пецярбург затрымліваецца.

Таксама былі затрыманыя рэйсы ў Грузію, Узбекістан, Ізраіль і Турцыю. Напрыклад, ранішні рэйс у Стамбул адправіўся з Мінска толькі ў 12:00, хаця вылет быў запланаваны на 08:05. 

18 чэрвеня ўкраінскія беспілотнікі правялі адну з самых вялікіх атак на Маскву ад пачатку вайны. У Мінабароны РФ заявілі, што "збілі і ліквідавалі" больш за 500 дронаў. У СМІ і сацсеткі трапілі відэакадры з чарговага ўдару па Маскоўскім НПЗ.