Беларусаў, параненых падчас дронавай атакі, эвакуююць на радзіму

Зранку 18 чэрвеня пачалася эвакуацыя на радзіму беларусаў, пацярпелых ад дронавай атакі на аўтобус у Бранскай вобласці.

"На дадзены момант эвакуююцца шэсць пацярпелых. З іх два цяжкія: адно дзіця і адзін дарослы. І чатыры чалавекі ў стане рознай ступені цяжкасці, але не цяжкія", — паведаміў міністр аховы здароўя Аляксандр Хаджаеў.

Хлопчыку, які знаходзіцца ў цяжкім стане, учора ўвечары зрабілі аперацыю. Правяла яе змяшаная брыгада, куды ўваходзілі спецыялісты з Масквы, Бранска і Беларусі.

Мінздароўя ўдакладняе, што пяцярых пацярпелых дзяцей (адзін у цяжкім стане) гатовыя прыняць у РНПЦ дзіцячай хірургіі. А дарослага пацыента шпіталізуюць у Галоўны ваенны медыцынскі клінічны цэнтр № 432 Узброеных Сіл.