Беларускія гастарбайтэры-рабаўнікі тэрарызавалі жыхароў расійскага горада

Траіх беларускіх гастарбайтэраў-рабаўнікоў злавілі ў расійскім горадзе Варонежы. Яны ўладкаваліся там на будоўлю, а калі заробкі не апраўдалі іх надзеяў, заняліся рабаўніцтвам.
За вечар гастарбайтэры напалі на траіх гараджан, якіх збівалі і адбіралі каштоўныя рэчы, якімі аказаліся мабільныя тэлефоны. Аднак беларусаў хутка затрымалі. Як паведамляе сайт vrn.kp.ru, ім пагражае да 10 гадоў турмы.