ДАІ затрымала лідара абласной арганізацыі руху "За Свабоду" Пятра Кузняцова

На аўтадарозе Рэчыца — Гомель недалёка ад абласнога цэнтра раніцай 14 студзеня супрацоўнікі ДАІ затрымалі лідара абласной арганізацыі руху "За Свабоду" Пятра Кузняцова, паведамляе БелаПАН. "Кіроўцу нашага аўтамабіля абвінавацілі ў тым, што ён нібы здзейсніў ДТЗ у Мазыры, хоць мы там наогул не былі. Я звязваю наша затрыманне з тым, што мы везлі інфармацыйныя матэрыялы з праўдзівай інфармацыяй пра тое, што адбылося ў Мінску 19 снежня", — паведаміў Кузняцоў.

Па яго словах, у рамках інфармацыйнай кампаніі "Ведаю!" актывісты распаўсюджваюць друкаваныя матэрыялы пра падзеі ў Мінску.

Цяпер актывісты чакаюць міліцыю, якая павінна прыбыць на месца затрымання.