10 чалавек загінулі, каля 100 параненыя падчас расійскага ўдару па палігоне пад Кіевам

Расійскія войскі нанеслі ўдар па прыватным палігоне ў Кіеўскай вобласці, дзе адбывалася выстава ўзбраенняў. Падчас атакі там знаходзіліся прадстаўнікі абаронных кампаній.

Там загінулі 10 чалавек, а яшчэ каля сотні атрымалі раненні рознай ступені цяжкасці, перадае hromadske.ua.

Як заявіў генпракурор Украіны Руслан Краўчанка, следства выявіць у тым ліку, хто прымаў рашэнне аб правядзенні выставы, узгадняў месца, час і фармат яе правядзення, якія меры бяспекі былі прадугледжаныя і ці была належным чынам ацэненая рызыка ва ўмовах ваеннага становішча.