Іван Шыла: Я не з'еду з Беларусі толькі таму, што мне не даюць тут давучыцца

Асамблея вучнёўскіх прадстаўніцтваў Эстоніі звярнулася да міністра адукацыі і навукі Тыніса Лукаса. Яны просяць дапамагчы беларускаму школьніку Івану Шылу, выключанаму са школы ў Салігорску. Прадстаўнікі вучняў папрасілі міністра дазволіць маладому чалавеку скончыць школу ў Эстоніі, калі ўлады Беларусі не зменяць сваё рашэнне.

Еўрарадыё спыталася ў Івана, як ён сам ставіцца да ідэі атрымаць сярэднюю адукацыю па-за межамі Беларусі.

І.Шыла: Мне тэлефанавалі сёння з Эстоніі наконт гэтай прапановы. там будзе магчымасць здаць апошні іспыт. У даведцы, якую дадуць мне тут, у Беларусі, усе мае адзнакі ёсць. Такім чынам мне трэба будзе здаць толькі адзін іспыт. Да такой прапановы я стаўлюся станоўча. Але з'язджаць з Беларусі толькі таму, што мне не даюць тут навучацца, — такога намеру я ня маю.

Наконт таго, куды пайсці пасля школы, Іван Шыла яшчэ дакладна не вырашыў. Кажа, што ўпэўнены толькі ў тым, што гэта будзе завочнае навучанне. І хутчэй за ўсё, па-за межамі Беларусі.

Фота — nn.by