Кватэру Паўла Данейкі ў Беларусі прадалі па нетыповай схеме
Павел Данейка / Еўрарадыё
У Беларусі прадалі арыштаваную кватэру эканаміста Паўла Данейкі. Зрабілі гэта паводле нетыповай схемы, заўважыла выданне "Зеркало".
Кватэру некалькі разоў выстаўлялі на аўкцыён. Апошні быў прызначаны на 4 чэрвеня, але таргі не адбыліся, хаця да ўдзелу дапусцілі аднаго прэтэндэнта. У картцы аб'екта з'явілася новая дата завяршэння аўкцыёну — 12 чэрвеня. А кошт за кватэру застаўся ранейшай.
Цяпер на сайце "БелЮрЗабеспячэння" пазначана, што аўкцыён не адбыўся, бо "адзіны ўдзельнік даў згоду на куплю". Прадалі кватэру за 589 600 рублёў.
Такая сітуацыя нетыповая: звычайна калі таргі не адбыліся, то праз нейкі час могуць прызначыць новыя. Прычым на іх лот выстаўляюць на аўкцыён па больш нізкай цане.
Эканаміст Павел Данейка ў жніўні 2020-га ўвайшоў у Каардынацыйную раду. Пазней ён пакінуў Беларусь. У лютым 2025-га суд завочна прызначыў яму 12 гадоў зняволення і штраф на 546 000 рублёў.
