Праваслаўная царква выступае супраць сродкаў для медыкаментозных абортаў

Праваслаўныя святары выступаюць супраць дазволу на продаж у Беларусі таблетак, якія перарываюць цяжарнасць да шасці тыдняў, паведамляе “Камсамолка”. Дакумент аб дазволе прадаваць французскія таблеткі “Міфегін” знаходзяцца на разглядзе ў Міністэрстве аховы здароўя. Пазіцыя праваслаўнай царквы грунтуецца на тым, што медыкаментознае перарыванне цяжарнасці з’яўляецца тым самым абортам. Святары засцерагаюцца, што такія таблеткі пачнуць выкарыстоўваць нават дзяўчынкі-падлеткі.

Медыкі лічаць, што такі спосаб перарывання цяжарнасці хоць і меней траўматычны для жанчыны, але ж таксама можа даць ускладненні для арганізма. Таму яны раяць жанчынам болей дбаць пра кантрацэпцыю.