Ахвяраў стыхіі ў Краснадарскім краі ўжо 87
Аднак пакуль яшчэ рана казаць пра дакладную колькасць загінулых ад паводкі: іх можа быць болей.
На дадзены момант пошукава-ратавальныя работы працягваюцца. У пацярпелыя раёны накіравана каля 1 тысячы супрацоўнікаў паліцыі для выключэння выпадкаў марадзёрства. Сума матэрыяльных стратаў, панесеных ад разгулу стыхіі, ацэньваецца ў 1 мільярд расійскіх рублёў.
Між тым моцныя залевы, якія абрынуліся на Краснадар’е, абмінулі санаторый “Белая Русь” у Туапсінскім раёне, паведамляе БЕЛТА. Дажджы прайшлі недзе на адлегласці ў 100 кіламетраў. Па словах супрацоўнікаў здраўніцы, усе беларускія грамадзяне, якія там адпачываюць, купаюцца і загараюць.
