Актывістаў АГП аштрафавалі за перадвыбарны пікет
Такія прысуды атрымалі прэтэндэнт у дэпутаты Леў Марголін і яго давераная асоба Міхаіл Васільеў.
Нагадаем, Марголіна і Васільева затрымалі 4 жніўня ў Барысаве падчас перадвыбарнага пікету. Актывісты Аб'яднанай грамадзянскай партыі збіралі подпісы за вылучэнне Марголіна кандыдатам у дэпутаты. Міліцыянтам не спадабаўся лозунг "За сумленныя выбары без Лукашэнкі", пад якім ішоў збор подпісаў. На апазіцыянераў склалі пратаколы за парушэнне масавага мерапрыемства ці пікетавання.
Па хадайніцтве Марголіна суд спярша перанеслі з 6-га на 10 жніўня. Аднак потым суд перанеслі яшчэ раз і правялі 8 жніўня. Як паведаміў Марголін у каментары БелаПАН, у міліцэйскіх пратаколах было напісана, што апазіцыянеры праводзілі перадвыбарную агітацыю, не быўшы зарэгістраванымі як кандыдаты. Так міліцыя расцаніла лозунг "За сумленныя выбары без Лукашэнкі".
У выніку Марголіна аштрафавалі на 3 мільёны рублёў, а Васільева — на 2 мільёны.
