У Расіі згадваюць, як вызвалялі Маскву ад “беларуска-польскіх захопнікаў”
З 6 па 8 ліпеня ў вёсцы Каламенскае каля Масквы праходзіць фестываль гістарычнай рэканструкцыі.
Ён прымеркаваны да 400-годдзя вызвалення Масквы ад войскаў Рэчы Паспалітай. На мерапрыемства прыехала больш за 1000 удзельнікаў, 300 замежных рэканструктараў, 100 рамеснікаў і 500 удзельнікаў генеральнай бітвы.
Кульмінацыяй фестывалю стане рэканструкцыя Маскоўскай бітвы 1612 года. Гэта эпізод вайны, падчас якога польска-літоўскае войска Вялікага гетмана літоўскага Хадкевіча беспаспяхова спрабавала дапамагчы сілам Рэчы Паспалітай, што трапілі ў аблогу ў Маскве.
У выніку праз некалькі месяцаў пасля бітвы ліцвінска-польскі гарнізон Масквы капітуляваў перад рускім апалчэннем.
Паводле некаторых беларускіх гісторыкаў найбольш ваяроў у войску Рэчы Паспалітай таго часу было з беларускай зямлі.
