Санкцыі Дзярждэпу ЗША нагадалі Л. Ярмошынай “сталінскія законы”

Старшыня беларускага Цэнтрвыбаркама Лідзія Ярмошына раскрытыкавала нядаўняе рашэнне Дзярждэпартамента ЗША, згодна з якім уезд у Злучаныя Штаты быў забаронены шмат якім катэгорыям беларускіх службоўцаў, а таксама іх сужанцам, паведамляе “Телеграф”. Паводле яе слоў, новыя санкцыі парушаюць прынцыпы міжнароднага права, а пасаж пра забарону ўезду для дзяржаўных службоўцаў і членаў іх сем’яў "увогуле нагадвае сталінскія законы, калі пад пераслед траплялі сем`і ворагаў народа".

Нагадаем, 7 жніўня Дзярждэпартамент Злучаных штатаў пашырыў спіс службоўцаў, якім забаронены ўезд на тэрыторыю ЗША: у яго патрапілі, у прыватнасці, намеснікі міністраў, афіцэры МУС і КДБ Беларусі ў званні вышэй за падпалкоўніка, сябры Цэнтрвыбаркама і кіраўнікі абласных выбарчых камісій, а таксама супрацоўнікі ідэалагічных аддзелаў рэгіянальных адміністрацый.