Скрадзеныя 50 тысяч подпісаў, сабраных за з'яўленне ў Мінску вуліцы Быкава
Увечары 6 ліпеня кватэра, на якой захоўваліся подпісы, была абрабаваная.
Гэтую кватэру актывісты кампаніі “Гавары праўду!” знялі адмыслова каб пералічыць, пераправерыць і падрыхтаваць подпісы для перадачы ў Мінгарвыканкам. Як паведаміла Еўрарадыё прэс-сакратар кампаніі Юля Рымашэўская, акрамя 50 тысяч подпісаў з кватэры больш нічога не знікла.
Юля Рымашэўская: “Хацелі зрабіць гэта вельмі-вельмі акуратна і для гэтага знялі кватэру. Каб там усё пераправерыць і пералічыць перад падачай у гарвыканкам. Але ўчора, 6 ліпеня, гэтую кватэру абрабавалі. У прэс-рэлізе мы пішам, што невядомыя, але… Карацей, абрабавалі. У выніку страчана каля 50 тысяч подпісаў. Нічога апроч подпісаў з кватэры не вынесена”.
Актывісты кампаніі выклікалі міліцыю, быў складзены пратакол. Увогуле ж, кажа Юля Рымашэўская, складаецца ўражанне, што на подпісы за ўшанаванне памяці Васіля Быкава вядзецца сапраўднае паляванне — 5 ліпеня машына, у багажніку якой знаходзіліся яшчэ 30 тысяч подпісаў, была эвакуяваная з двара, у якім стаяла без парушэння правілаў.
Зараз аўтамабіль апячатаны, лёс подпісаў дагэтуль невядомы. Яшчэ каля 10 тысяч подпісаў былі канфіскаваныя ў часе ператрусу ў офісе кампаніі 18 мая на вуліцы Машэрава, 54.
Фота: www.telegraf.by.
Гэтую кватэру актывісты кампаніі “Гавары праўду!” знялі адмыслова каб пералічыць, пераправерыць і падрыхтаваць подпісы для перадачы ў Мінгарвыканкам. Як паведаміла Еўрарадыё прэс-сакратар кампаніі Юля Рымашэўская, акрамя 50 тысяч подпісаў з кватэры больш нічога не знікла.
Юля Рымашэўская: “Хацелі зрабіць гэта вельмі-вельмі акуратна і для гэтага знялі кватэру. Каб там усё пераправерыць і пералічыць перад падачай у гарвыканкам. Але ўчора, 6 ліпеня, гэтую кватэру абрабавалі. У прэс-рэлізе мы пішам, што невядомыя, але… Карацей, абрабавалі. У выніку страчана каля 50 тысяч подпісаў. Нічога апроч подпісаў з кватэры не вынесена”.
Актывісты кампаніі выклікалі міліцыю, быў складзены пратакол. Увогуле ж, кажа Юля Рымашэўская, складаецца ўражанне, што на подпісы за ўшанаванне памяці Васіля Быкава вядзецца сапраўднае паляванне — 5 ліпеня машына, у багажніку якой знаходзіліся яшчэ 30 тысяч подпісаў, была эвакуяваная з двара, у якім стаяла без парушэння правілаў.
Зараз аўтамабіль апячатаны, лёс подпісаў дагэтуль невядомы. Яшчэ каля 10 тысяч подпісаў былі канфіскаваныя ў часе ператрусу ў офісе кампаніі 18 мая на вуліцы Машэрава, 54.
Фота: www.telegraf.by.
