У Беларусі вырастуць прахадныя балы ў ВНУ — Мінaдукацыі
Маладыя людзі падчас выпускных святкаванняў / LookByMedia
Міністр адукацыі Андрэй Іванец заявіў, што ў 2026 годзе прахадныя балы ў беларускіх ВНУ вырастуць. Пра гэта ён паведаміў у эфіры СТБ.
Па словах міністра, сёлета павялічылася колькасць стобальнікаў, а сярэдні вынік па экзаменах вырас прыкладна на 2–3 балы. На яго думку, гэта прывядзе да больш высокіх конкурсных патрабаванняў пры паступленні і, адпаведна, да росту прахадных балаў.
Таксама Іванец паведаміў, што сёлета прадугледжана больш за 3 тысячы дадатковых бюджэтных месцаў. Перавага будзе аддадзена медыцынскім, эканамічным, інжынерным і аграпрамысловым спецыяльнасцям, якія, па словах міністра, найбольш запатрабаваныя ў эканоміцы краіны.
