У Пінску лічыльнікі вады ўсталёўваюць з дапамогай міліцыі

На сёння каля 20% кватэр жыхароў Пінска не абсталяваныя лічыльнікамі вады. Каб давесці лічбы “агульнай вадамернасці” да 100%, пінскія камунальнікі знайшлі новы спосаб.
Цяпер супрацоўнікі ЖЭСаў разам з участковымі міліцыянтамі, праводзяць адмысловыя рэйды па кватэрах, у якіх не усталяваны лічыльнік. Галоўная мэта візітаў – выяўленне людзей, якія пражываюць без рэгістрацыі.

Гаспадароў такіх кватэр штрафуюць па мінімуму і разам з тым прапаноўваюць усталяваць лічыльнік вады. Такім чынам аштрафаваныя ўжо 63 уладальнікі кватэр, адпаведна вырасла і колькасць заявак на лічыльнікі.