У расіяніна супрацоўнікі Жодзінскага ІЧУ скралі грошы?
Пры атрыманні рэчаў у Жодзінскім ІЧУ высветлілася, што ў яго не хапае 3 тысячы расійскіх рублёў, што эквівалентна 100 $.
Бурмістраў Аляксандр, які быў арыштаваны на 15 сутак адміністрацыйнага арышту за ўдзел у несанкцыянаваным масавым мерапрыемстве 19 снежня, быў вызвалены датэрмінова па патрабаванню Расійскай федэрацыі.
Грашовая сума, якую меў пры сабе грамадзянін Расіі ў момант затрымання і паступлення ў ізалятар, зафіксаваная ў пратаколах вобыску і асабістага дагляду. Па факце кражы Бурмістраў Аляксандр звярнуўся ў пракуратуру Ленінскага раёну Мінска. У сваёй скарзе ён просіць правесці праверку выкладзеных фактаў, вярнуць грошы і працягнуць віноўных да адказнасці, перадае праваабарончы цэнтр "Вясна".
