Віцебская міліцыя лічыць, што затрымала легендарнага Мірона

7 жніўня а палове на 6-ю раніцы ў цэнтры Віцебска на антэне МТС, усталяванай на страсе Цэнтральнага статыстычнага ўпраўлення Віцебскай вобласці (вуліца Леніна, 10а) быў вывешаны бел-чырвона-белы сцяг. Ён лунаў над горадам каля паўгадзіны, а пасля быў зняты пры дапамозе пажарнай машыны МНС. Па звестках сайта “Народныя навіны Віцебска”, міліцыя затрымала побач з будынкам ЦСУ 18-гадовага хлопца. Праваахоўныя органы лічаць, што гэта і ёсць легендарны Мірон, які вывешвае на Віцебшчыне бел-чырвона-белыя сцягі да ўсіх значных нацыянальных святаў.

Аднак, што першы на Віцебшчыне сцяг быў вывешаны Міронам 11 гадоў таму, у Лёзна. Затрыманаму ў той час было толькі 7 гадоў.