Вярхоўны суд вярнуў акцёра Аляксея Туровіча ў спіс кандыдатаў у дэпутаты
Вярхоўны суд Беларусі задаволіў скаргу Аляксея Туровіча на адмову ў рэгістрацыі кандыдатам у дэпутаты. Вядомы акцёр і рэжысёр не быў зарэгістраваны з-за таго, што не пазначыў у дэкларацыі аўтамабіль, які прадаў у 2004 годзе.
У размове з Еўрарадыё Аляксей Туровіч адзначыў, што не чакаў такога рашэння.
Аляксей Туровіч: "Учора пракурор сказаў, што я не магу балатавацца, таму я страціў надзею. Аднак нечакана для мяне вынік быў станоўчы”.
Сакратар Цэнтрвыбаркама Мікалай Лазавік адмовіўся каментаваць рашэнне, прынятае Вярхоўным судом. Пры гэтым ён адзначыў, што цяпер кандыдату ў дэпутаты па 102-й выбарчай акрузе Мінска Аляксею Туровічу будзе выдзелена неабходная сума для правядзення агітацыйнай кампаніі, а таксама прадстаўлены эфір на тэлебачанні, а яго праграму надрукуе дзяржаўная газета.
Мікалай Лазавік: “Рашэнне Вярхоўнага суда з’яўляецца канчатковым. Мы бясспрэчна падпарадкоўваемся гэтаму рашэнню і выконваем яго”.
Дарэчы, “эфір” Аляксею Туровічу ўжо прадставіў 8-ы канал, які неўзабаве пакажа тры яго фільмы: 10 верасня — “Сынок”, 12-га — “Турма для кума”, 14-га — “Ліст Феліні”. У гэтых стужках кандыдат выступіў у ролі рэжысёра і акцёра. А ўсяго на яго рахунку больш за 40 роляў у кіно і 4 рэжысёрскія працы. Аляксей Туровіч вядомы па фільмах “Сын за бацьку”, “Франц+Паліна”, “Анастасія Слуцкая”, “Колер кахання”.
У дэпутаты ён балатуецца ў якасці незалежнага кандыдата.
У размове з Еўрарадыё Аляксей Туровіч адзначыў, што не чакаў такога рашэння.
Аляксей Туровіч: "Учора пракурор сказаў, што я не магу балатавацца, таму я страціў надзею. Аднак нечакана для мяне вынік быў станоўчы”.
Сакратар Цэнтрвыбаркама Мікалай Лазавік адмовіўся каментаваць рашэнне, прынятае Вярхоўным судом. Пры гэтым ён адзначыў, што цяпер кандыдату ў дэпутаты па 102-й выбарчай акрузе Мінска Аляксею Туровічу будзе выдзелена неабходная сума для правядзення агітацыйнай кампаніі, а таксама прадстаўлены эфір на тэлебачанні, а яго праграму надрукуе дзяржаўная газета.
Мікалай Лазавік: “Рашэнне Вярхоўнага суда з’яўляецца канчатковым. Мы бясспрэчна падпарадкоўваемся гэтаму рашэнню і выконваем яго”.
Дарэчы, “эфір” Аляксею Туровічу ўжо прадставіў 8-ы канал, які неўзабаве пакажа тры яго фільмы: 10 верасня — “Сынок”, 12-га — “Турма для кума”, 14-га — “Ліст Феліні”. У гэтых стужках кандыдат выступіў у ролі рэжысёра і акцёра. А ўсяго на яго рахунку больш за 40 роляў у кіно і 4 рэжысёрскія працы. Аляксей Туровіч вядомы па фільмах “Сын за бацьку”, “Франц+Паліна”, “Анастасія Слуцкая”, “Колер кахання”.
У дэпутаты ён балатуецца ў якасці незалежнага кандыдата.
