Купалаўскі тэатр ізноў абвясціў кастынг
Купалаўскі тэатр / Еўрарадыё
Купалаўскі тэатр ізноў шукае актораў. Ён дагэтуль не можа ўзнавіца пасля падзеяў 2020 года, калі на знак пратэсту з яго сыйшла большая частка трупы.
Кастынг пройдзе з 21 па 23 ліпеня. Сёлета ад кандыдатаў на месца ў нацыянальным беларускім тэатры патрабуецца "смеласць, талент і прагу да творчасці". А вось абавязковае валоданне беларускай мовай у абвестцы не згадваецца.
Ды яно і зразумела: у 2023-м стала вядома, што тэатр змагаецца з кадравым крызісам, набіраючы актораў з Расіі.
