Беларуска, якой зрабілі прапанову ля фантана Трэві, на наступны дзень згубіла пярсцёнак
Заручальны пярсцёнак на фоне фантана Трэві / Threads
Беларуска, якой зрабілі прапанову ля фантана Трэві ў Рыме, на наступны дзень... згубіла заручальны пярсцёнак! "Статус нявесты пратрымаўся менш за суткі", — іранізуе Ганна.
Пасля прапановы рукі і сэрца дзяўчына разам з сябрамі паехала на пляж. "Пальцы ў вадзе звузіліся, эмоцыі суцішыліся, і праз пару гадзін я разумею... ШТО ЗГУБІЛА ПЯРCЦЁНАК У ПЯСКУ, — расказвае яна. — У мяне пачалася лютая істэрыка. Нас было чацвёра, і мы 40 хвілінаў літаральна носам у пяску, на каленях, прасейвалі кожную пясчынку".
Гісторыя скончылася добра: "Сама згубіла, сама зладзіла трэш на ўвесь пляж, сама ж яго і знайшла!", — дадае Ганна. Зразумела, жыццё сёння поўнае выпрабаванняў, але ўсё ж жадаем гэтай пары паменей праблемаў і паболей шчаслівых хвілінаў!
