Набыла моц пастанова, якая не дасць залезці ў шалёны мінус у роўмінгу

Сітуацыі, калі чалавек на тры хвілінкі апынаецца ў роўмінгу і ўлятае на некалькі тысяч рублёў, засталіся ў мінулым? Міністэрства сувязі абавязала аператараў абмяжоўваць запазычанасць на балансах абанентаў пяццю базавымі велічынямі.

Норма ўведзеная пастановай Савета Міністраў яшчэ ад 4-га сакавіка 2026 года, але набывае моц толькі з 7-га чэрвеня. Яна выключае ўзнікненне ў абанента ненаўмысных значных запазычанасцяў у роўмінгу. Ну, дакладней, абмяжоўвае іх 225-цю рублямі.

Але калі з нейкіх прычынаў ліміт у пяць базавых велічынь нязручны для карыстальніка, ён можа звярнуцца ў офіс аператара і напісаць заяву на змяненне парога.

Яшчэ адно важнае абмежаванне з той жа пастановы Мінсувязі датычыцца падключэння дадатковых паслуг праз SMS- або USSD-запыты. Гэта сітуацыі, калі абаненты пачынаюць атрымліваць показкі, прагнозы надвор'я ці іншую непатрэбную інфармацыю, якую яны не замаўлялі — а за гэта з іх баланса спісваюцца грошы.

Ад 7-га чэрвеня забаронена падключаць каго-небудзь на такія паслугі дыстанцыйна. Запыты могуць ажыццяўляцца, толькі калі абанент уводзіць іх са свайго смартфона самастойна.