За распіццё піва на вуліцы ў Мінску за тыдзень аштрафавалі 350 чалавек

За тыдзень пасля забароны складзена 354 пратаколы за распіванне піва ў грамадскіх месцах. Пра гэта паведамляе прэс-служба ГУУС Мінгарвыканкама. Кіраўнік прэс-службы Аляксандр Ластоўскі ў каментары Еўрарадыё паведаміў, што агульную суму штрафаў міліцыянты не ведаюць, бо гэта - кампетэнцыя суда:

Ластоўскі: Памер штрафу вызначае суд - гэта іх кампетэнцыя. Памер штрафу вызначаецца асобна ў кожным канкрэтным выпадку. Задача супрацоўнікаў міліцыі толькі зафіксаваць падзею.

У першы дзень забароны было складзена 80 такіх пратаколаў. Асноўныя затрыманні былі у парках і скверах побач з праспектамі Незалежнасці і Пераможцаў, а таксама ў парках Горкага і Чалюскінцаў.

Еўрарадыё нагадвае, што за такія парушэнні накладаецца штраф да 280 тысяч рублёў.