12,5% акцый «Белтрансгаза» апынуліся на рахунку «Газпрома»

«Белтрансгаз» перавёў ва ўласнасць «Газпрома» 12,5% акцый прадпрыемства. Пра гэта паведаміў памочнік старшыні Дзяржаўнага камітэта па маёмасці Беларусі Валерый Крамар. Зараз акцыі знаходзяцца на рахунку «Газпрома», які адкрыты ў «Белгазпрамбанку». Бліжэйшым часам адбудзецца сход акцыянераў, на якім у савет сумеснага расійска-беларускага газатранспартнага прадпрыемства будзе ўведзены прадстаўнік «Газпрома».

Нагадаем, падпісанне дамовы куплі-продажу 50% акцый «Белтрансгазу» адбылося 18 траўня. Штогод расійская кампанія будзе набываць 12,5% акцый «Белтрансгазу». 4 чэрвеня «Газпром» заплаціў 625 мільёнаў долараў. Сродкі ад продажу часткі беларускай газатранспартнай сістэмы паступяць у бюджэт Беларусі.     

БелаПАН