У чацвер у Беларусі прагназуюць кароткачасовыя дажджы

У чацвер, 23 ліпеня, у Беларусі чакаецца воблачнае з праясненнямі надвор'е, паведамляе Белгідрамет.

Уначы ў асобных раёнах, а ўдзень на большай частцы тэрыторыі краіны пройдуць кароткачасовыя дажджы, месцамі прагрымяць навальніцы. Уначы і зранку ў асобных раёнах будзе згушчацца слабы туман. Вецер уначы прагназуецца няўстойлівы слабы, удзень — паўднёвы ад слабога да ўмеранага, пры навальніцах — парывісты.

Уначы тэрмометры пакажуць 7-17 градусаў са знакам "плюс", удзень чакаецца 18-24 градусы цяпла.

У пятніцу, 24 ліпеня, захаваецца воблачнае з праясненнямі надвор'е. На большай частцы тэрыторыі краіны таксама пройдуць кароткачасовыя дажджы. Удзень месцамі прагрымяць навальніцы. Вецер прагназуецца пераменных напрамкаў умераны, удзень пры навальніцах — парывісты. Тэмпература паветра ўначы складзе 7-14 градусаў вышэй за нуль, удзен яно прагрэецца да +18...+25 градусаў.