Абаненты "МТС" адчуваюць праблемы з мабільным інтэрнэтам

Абаненты сотавага аператара "МТС" у Мінску і Мінскай вобласці 11 жніўня ўсё яшчэ адчуваюць праблемы з мабільным інтэрнэтам.
 
У службе тэхнічнай падтрымкі кампаніі агенцтву БелаПАН паведамілі, што гэта наступствы аварыі на трансфарматарнай падстанцыі ў мікрараёне "Зялёны Луг", якая адбылася ў ноч на 9 жніўня.

Кампанія пакуль не можа спрагназаваць, калі будзе адноўлены доступ у мабільны інтэрнэт.

Раней паведамлялася, што прычынай адключэння мінскай падстанцыі "Зялёны Луг" і масавага абясточвання спажыўцоў у ноч на нядзелю стала куніца, якая трапіла ў электрасетку.

Фота: tut.by