Цалкам шкляны і ўвогуле без кнопак: інсайдар паказаў магчымы дызайн iPhone 20
Канцэпт юбілейнага iPhone 20 / Front Page Tech
У 2027 годзе лінейцы iPhone спаўняецца 20 гадоў. Інсайдар Джон Просер лічыць, што юбілейны iPhone 20 Apple збіраецца ператварыць у твор мастацтва. Асаблівасцямі смартфона стануць цалкам шкляны корпус і экран-вадаспад, закруглены адразу з усіх бакоў.
Па даных Просера, навінка можа атрымаць працэсар Apple A21, крэмній-вугляродны акумулятар павялічанай ёмістасці і абноўленую камеру. Пры гэтым на рэндарах у смартфона — падвойная камера, а не звыклы трайны блок.
Нарэшце, імаверна, нас чакае iPhone без бакавых кнопак. Apple збіраецца рэалізаваць упраўленне смартфонам праз тэхналогію Force Touch, дзе для імітацыі націскання выкарыстоўваецца вібраматорчык. Кампанія выкарыстоўвае яе ў трекпадах MacBook Air і MacBook Pro, а таксама ў бесправадным Magic Trackpad.
