Арцём Канцавы пакінуў пасаду галоўнага трэнера БАТЭ

БАТЭ пакінуў галоўны трэнер Арцём Канцавы. Пра гэта паведамляе sport5.by. Адбылося гэта пасля таго, як у 11-м туры чэмпіянату Беларусі барысаўчане не ўтрымалі перамогу над "Белшынай" — 1:1.

Паводле звестак крыніцы, 43-гадовы спецыяліст з'ехаў з клубнай базы і развітаўся з гульцамі. Паведамлялася, што ў трэнера быў канфлікт са старшынёй клуба Андрэй Капскі праз адсутнасць вынікаў у чэмпіянаце. Сам Капскі-малодшы гэта адмаўляў.

Канцавы ўзначальваў барысаўчан у 2025–2026 гадах. Пад яго кіраўніцтвам клуб абыграў "Дынама-Мінск" і стаў уладальнікам Кубка Беларусі па футболе. Гэта дазволіць БАТЭ ўпершыню з 2023 года згуляць у еўракубках.

На пасаду галоўнага трэнера БАТЭ можа быць прызначаны Віталь Рагожкін, паведамляе тэлеграм-канал "На банцы". Цяпер 50-гадовы спецыяліст узначальвае дублюючы склад клуба, які займае 16-е месца ў Першай лізе.

Для БАТЭ гэта стане ўжо 11-й трэнерскай ратацыяй за больш чым сем гадоў. За гэты час у камандзе змянілася не менш за сем пастаянных трэнераў і трое выканаўцаў абавязкаў. Усяго на гэтай пасадзе працавалі 10 чалавек.