Некалькі беларускіх хакейных зборных дапусцяць да чэмпіянатаў свету ў сезоне-2026/2027
Прадстаўнікі ФХБ з маладымі хакеістамі / ФХБ
Некалькі беларускіх зборных змогуць прыняць удзел у чэмпіянатах свету па хакеі ў сезоне-2026/2027. Адпаведнае рашэнне прыняла Міжнародная федэрацыя хакея (ІІХФ), паведамляе прэс-служба ФХБ.
У праграму чэмпіянатаў свету на наступны сезон уключаныя мужчынская зборная U-18, жаночая юніёрская і жаночая нацыянальная каманды Беларусі. Пра вяртанне мужчынскай зборнай пакуль гаворка не ідзе.
Беларускія юніёры згуляюць у групе са Славакіяй, Чэхіяй, Канадай і Фінляндыяй. Турнір пройдзе ў Дулуце (ЗША) з 22 красавіка па 2 мая.
Старшыня Федэрацыі хакея Беларусі Аляксандр Багдановіч назваў рашэнне ІІХФ "важным і пазітыўным крокам для беларускага хакея".
Беларускія хакеісты трапілі пад міжнародныя санкцыі пасля пачатку шырокамаштабнай расійскай агрэсіі ва Украіне ў 2022 годзе.
