Міжнародная федэрацыя студэнцкага спорту адмяніла санкцыі супраць беларусаў

Міжнародная федэрацыя студэнцкага спорту (FISU) зняла абмежаванні з беларусаў. Цяпер яны могуць удзельнічаць у спаборніцтвах пад дзяржаўным сцягам і з дзяржаўным гімнам. Гэта адпавядае рэкамендацыям, якія на пачатку траўня прыняў Міжнародны Алімпійскі камітэт.

А вось з расійскімі спартоўцамі-студэнтамі сітуацыя больш складаная. У FISU адзначаюць, што нягледзячы на рэкамендацыі МАК не ўсе міжнародныя федэрацыі аднавілі іх удзел у спаборніцтвах.

Таму ў дачыненні да спартоўцаў з расійскімі пашпартамі вырашальнай будзе пазіцыя міжнароднай федэрацыі таго ці іншага віду спорту. Калі яна дазваляе расіянам (незалежна ад узросту) удзельнічаць, дык і расійскія спартоўцы-студэнты змогуць удзельнічаць у мерапрыемствах FISU. На поўных нацыянальных умовах. А калі не — дык не.