Будзьце гатовыя: наперадзе дождж, мокры снег і паўночны вецер
Кава, фота ілюстрацыйнае / pixabay.com
Сіноптыкі Гідраметцэнтра распавялі, якое надвор’е чакае беларусаў у другой палове тыдня.
У чацвер, 9 красавіка, будзе воблачна з праясненнямі. У многіх раёнах пройдуць дажджы і мокры снег. Вецер будзе паўночны, месцамі парывісты. Тэмпература паветра мінімальная ноччу -3..+3°С, максімальная днём +2..+8°С.
У пятніцу, 10 красавіка, зноў чакаецца воблачнае з праясненнямі надвор’е, а таксама дажджы і мокры снег. Наччу і раніцай на дарогах будзе слізка. Тэмпература паветра ноччу -4..+2°С. Днём халадней за ўсё будзе на ўсходзе, там +3°С, а ў заходніх рэгіёнах Беларусі да +11°С.
У суботу, 11 красавіка, зноў воблачна і дажджліва. Наччу і раніцай у асобных раёнах магчымыя слабая імгла і галалёд. Тэмпература паветра ноччу -4..+2°С, месцамі нават магчымыя замаразкі да -6°С. Днём +3..+10°С.
