На сераду ў Беларусі абвясцілі аранжавы ўзровень — будзе вышэй за +30 градусаў
Лета, ілюстрацыйнае фота / t.me/kleck_bel/
У сераду, 15 ліпеня, у Беларусі чакаецца пераменная воблачнасць, паведамляе Белгідрамет.
Будзе пераважна без ападкаў. Уначы і зранку ў асобных раёнах будзе згушчацца слабы туман. Вецер прагназуецца паўночны, уначы слабы, удзень умераны.
Уначы тэрмометры пакажуць 13-19 градусаў вышэй за нуль. Удзень чакаецца ад +24 па паўночным усходзе да +31 градуса па паўднёвым захадзе. У сувязі з гэтым сіноптыкі абвясцілі аранжавы ўзровень небяспекі.
У чацвер, 16 ліпеня, прагназуецца пераменная воблачнасць. Будзе пераважна без ападкаў. Вецер чакаецца паўночнай чвэрці ўмераны. Уначы тэмпература паветра складзе 12-18 градусаў вышэй за нуль, удзень чакаецца 24-31 градус цяпла.
