Па паўднёвым захадзе Беларусі ў пятніцу будзе да +31 градуса

У пятніцу, 17 ліпеня, у Беларусі чакаецца невялікая воблачнасць, паведамляе Белгідрамет.

Ападкі не прагназуюцца. Уначы і зранку ў асобных раёнах будзе згушчацца слабы туман. Вецер чакаецца пераменных напрамкаў, уначы — слабы, удзень — умераны.

Уначы тэрмометры пакажуць ад +6 па паўночным усходзе да +18 градусаў па захадзе. Удзень прагназуецца 23-29 градусаў вышэй за нуль, па паўднёвым захадзе будзе 30-31 градус цяпла. Сіноптыкі абвясцілі аранжавы ўзровень небяспекі.

Субота ў Беларусі будзе пераважна без ападкаў, а ў нядзелю прагназуюць кароткачасовыя дажджы па ўсёй тэрыторыі краіны. Удзень у суботу тэрмометры пакажуць 23-32 градусы са знакам "плюс", у нядзелю чакаецца 21-29 градусаў цяпла.