Еўракамісія забрала ў Венецыянскай біенале грант у 2 млн еўра

Еўракамісія пазбавіла Венецыянскую біенале гранта ў 2 млн еўра. Прычынай стала адкрыццё расійскага павільёна. Рашэнне аргументаванае тым, што культура "мусіць служыць дэмакратыі", заявіў прадстаўнік ЕК Тама Рэнье.

Раней кіраўніца еўрапейскай дыпламатыі Кая Калас папярэджвала, што ЕК спыніць фінансаванне Венецыянскай біенале за адкрыццё расійскага павільёна, каб прадухіліць "абяленне рэпутацыі" РФ. У сваю чаргу прэзідэнт біенале П'етранджэла Бутафуока заявіў, што расію не адхілілі ад удзелу ў выставе з "прыхільнасці да свабоды слова".

Сёлета ў Венецыі быў адкрыты і беларускі павільён. У адрозненне ад расійскага ён арганізаваны незалежнымі ад дзяржавы, прадэмакратычнымі творцамі.