Трансляцыя каталіцкай Імшы на Беларускім радыё засталася — katolik.life
У касцёле, ілюстрацыйнае фота
Трансляцыя каталіцкай імшы на Беларускім радыё засталася. Выданне katolik.life абвяргае сваю ўчарашнюю інфармацыю.
Журналісты пішуць, што імша з мінскага архікатэдральнага касцёла па-ранейшаму транслюецца кожную нядзелю ў 8:15. Пазнака "Тэматычная рубрыка" замест праграмы "Каталіцкая пропаведзь" у спісе перадач азначае жывы эфір.
Выявілася, што раней каталіцкае набажэнства трансляваў таксама канал радыё "Культура". Праграмы перадач гэтых двух каналаў супадалі раніцай у нядзелю: праваслаўнае "Духоўнае слова", потым навіны і пасля іх — каталіцкая імша. Пазней "Культура" прыбрала з эфіру рэтрансляцыю каталіцкай службы, а праваслаўная перадача засталася, праз што ўзнікла блытаніна. На Першым канале трансляцыя імшы засталася.
