Нацбанк паказаў абноўленую банкноту наміналам 200 рублёў
Новая банкнота / БЕЛТА
Нацыянальны банк Беларусі з 1 чэрвеня 2026 года выпусціў у абарачэнне новую банкноту наміналам 200 рублёў і паказаў, як яна выглядае.
Раней выпушчаныя банкноты наміналам 200 рублёў узору 2009 года застаюцца законнымі плацежнымі сродкамі, абавязковымі да прыёму пры разліках, паведамляе БЕЛТА.
Акрамя абнаўлення элементаў абароны, кідаецца ў вочы новае факсіміле подпісу дзейнага кіраўніка Нацбанка Рамана Галоўчанкі. Замест абазначэння года ўзору "2009" пазначаны год выпуску банкноты ў абарачэнне — "2026".
Таксама на купюры з'явілася назва архітэктурнага аб'екта, адлюстраванага на асабовым баку: "Магілёўскі абласны мастацкі музей імя П. В. Масленікава".
Вытворцам новых банкнот з'яўляецца акцыянернае таварыства "Дзяржзнак" Расійскай Федэрацыі.
