Нашэсце даўганосікаў працягваецца пад Мінскам. Навукоўцы спрабуюць супакоіць

Жыхары вёсак і дач у Мінскай вобласці ўжо два месяцы скардзяцца на нашэсце жукоў-даўганосікаў. Яны літаральна "акупіруюць" сцены, дзясяткамі знаходзяцца на градках і ў іншых месцах, а таксама залазяць у дамы.

Як кажуць навукоўцы, так шмат даўганосікаў у гэтым годзе з-за надвор'я, якое было зімой і вясной.

"Быў добры снежны покрыў, шкоднікі не вымерзлі, выйшлі з зямлі і мігруюць, – расказала начальнік аддзела Мінскай абласной інспекцыі па насенняводству, каранціну і абароне раслін Вікторыя Казак.

Энтамолагі спрабуюць супакоіць беларусаў: цыкл развіцця новых пакаленняў у даўганосікаў усяго раз у два гады. Ну і для паўтарэння нашэсця ў наступным годзе павінны быць такія ж спрыяльныя ўмовы.

Як кажа загадчык лабараторыі наземных беспазваночных жывёл НПЦ па біярэсурсах НАН Беларусі Віталія Лукіна, бліжэй да жніўня з кукалак выйдуць маладыя жукі. Але яны застануцца ў глебе да красавіка – пачатку мая наступнага года. Да таго часу жукоў на паверхні стане менш.

Як змагацца з даўганосікамі

Для людзей і хатніх жывёл даўганосікі бяскрыўдныя — у іх няма нічога такога, што пагражала б здароўю. А вось для ўраджаю або прадуктаў гэтыя жукі могуць уяўляць сур'ёзную небяспеку.

Для выратавання ўраджаю спецыялісты рэкамендуюць карыстацца інсектыцыдамі — яны працуюць лепш за "народныя" сродкі. Калі даўганосікі заўзаліся ў ваш дом, трэба быць уважлівымі: вывучыць усе запасы круп, макаронаў, мукі і нават гарбаты і кавы, каб праверыць, ці не заражаныя яны.