Беларус падстрэліў непаўналетняга сына, калі хацеў забіць свінню
Фермер хацеў забіць свінню, але пацэліў у сына / Следчы камітэт
У Касцюковіцкім раёне бацька параніў 15-гадовага сына са стрэльбы, калі хацеў забіць свінню, паведамляе прэс-служба Генпракуратуры.
Інцыдэнт здарыўся 24 мая. 61-гадовы мужчына планаваў забіць свінню ў сваёй фермерскай гаспадарцы. Вясковец выкарыстаў незарэгістраваную зброю. Але падчас забою прамазаў і па неасцярожнасці пацэліў у свайго сына, які знаходзіўся побач.
Паведамляецца, што падлетак атрымаў цяжкае пранікальнае раненне брушной поласці. Лекары ацэньваюць траўму як небяспечную для жыцця. Хлопца шпіталізавалі і аказалі яму экстранную медыцынскую дапамогу.
На вяскоўца пачалі крымінальную справа за прычыненне па неасцярожнасці цяжкіх цялесных пашкоджанняў.
