Орбан сышоў: у Венгрыі пачынаецца новая палітычная эпоха
Будапешт
9 траўня 2026 года ў Венгрыі афіцыйна завяршылася эпоха Віктара Орбана. Пасля многіх гадоў ва ўладзе Орбан пакінуў пасаду прэм’ер-міністра, а новым кіраўніком урада стаў Петэр Мадзьяр, які назваў гэты дзень "днём змены сістэмы".
Падчас цырымоніі ў парламенце разам з гімнам Венгрыі прагучалі гімн Еўрасаюза, гімн секеяў і неафіцыйны гімн венгерскіх ромаў — як сімвал новага курсу і спробы аб’яднаць розныя групы грамадства.
Упершыню за 12 гадоў над будынкам парламента зноў узнялі сцяг Еўрасаюза. Новы кабінет Мадзьяра абяцае вярнуць Венгрыю да больш цеснага супрацоўніцтва з ЕС і змяніць знешнепалітычны курс краіны.
